Veislan hefst á leik ÍA og Fjarðabyggðar á Akranesvelli kl. 20 föstudaginn 23. júlí. Skagamenn eru í 6. sæti með 16 stig en Fjarðabyggð er í 10. sæti með 11 stig nú þegar mótið er rétt rúmlega hálfnað.

2. flokkur spilar við Breiðablik 2 á Smárahvammsvelli kl. 14 laugardaginn 24. júli og síðan við Gróttu á Gróttuvelli kl. 20 sunnudaginn 25. júlí. Fjarðabyggð/Leiknir/Huginn er sem stendur í 3. sæti deildarinnar og á góðan möguleika að komast upp í næstefstu deild.

Í kvöld kl. 19.30 fer fram leikur Fjarðabyggðar/Leiknis og Fjölnis í 1. deild kvenna. Leikið er á Framvelli en leikurinn telst heimaleikur okkar. Liðið er nú í 3. sæti deildarinnar með 13 stig jafnmörg og ÍR en marki betra. Fjölnir er síðan í 5. sæti með 10 stig.

Fjölnir vann leikinn 2-1 en öll mörkin voru skoruð í fyrri hálfleik og skoraði Andrea Magnúsdóttir okkar mark.

Fjarðabyggð/Leiknir tapaði leik sínum gegn ÍBV í Eyjum 5-1 en Alexandra Tómasdóttir skoraði markið úr vítaspyrnu.

Sameiginlegt 2. flokkslið Fjarðabyggðar/Leiknis/Hugins leikur síðan í kvöld mánudaginn 19. júlí kl. 20 á Búðagrund gegn Hetti/Einherja. Mætum öll og styðjum strákana.