2. flokkur sigraði á sunnudag lið Tindastóls/HKL 4-3 á Seyðisfjarðarvelli. Vignir Daníel Lúðvíksson skoraði 2, Hilmar Freyr Bjartþórsson og Hákon Þór Sófusson eitt hvor. Liðið er nú 2. sæti með 26 stig og eiga 3 leiki eftir.

Fjarðabyggð/Leiknir í meistaraflokki kvenna lék sinn síðasta leik í sumar á Vilhjálmsvelli á mánudag gegn Hetti. Hart var barist en þær enduðu sumarið á sigri 0-1 og skoraði Sasithorn Phungakew eða Nína markið. Liðið er í 4. sæti með 16 stig en gæti endað sæti neðar ef að ÍR sigrar Hött í leik um næstu helgi. Fín frammistaða hjá liðinu í sumar og nú er framtíðin björt.

Fjarðabyggð mætir ÍR í 1. deild karla á Eskifjarðarvelli föstudaginn 13. ágúst kl. 18.30. ÍR er sem stendur í 4. sæti deildarinnar með 26 stig en Fjarðabyggð í 11. sæti með 11 stig. Það er því á brattann að sækja fyrir Fjarðabyggð en stuðningsmenn virka oft sem 12. maður og hvetjum við alla að mæta og styðja strákana til sigurs.

2. flokkur leikur síðan gegn Tindastól/HKL á Seyðisfjarðarvelli á sunnudag kl. 14 en liðið er nú í baráttu um 2 efstu sætin í deildinni sem tryggir sæti í næstefstu deild 2. flokks.

Á mánudag leikur síðan kvennaliðið síðasta leik sumarsins gegn Hetti á Vilhjálmsvelli og hefst leikurinn kl. 19. Mætum öll og þökkum kvennaliðinu fyrir góðan árangur í sumar.

Þessarar spurningar er ég sem formaður KFF oft spurður að þessa dagana og svara alltaf á sömu leið. Nei Fjarðabyggð fellur ekki. Einfaldlega vegna þess að ég hef óbilandi trú á liðinu okkar sem náði besta árangri sínum í fyrrasumar eða 4. sæti í 1. deild.

Jú einhverjar mannabreytingar urðu síðan í fyrra en mörg atriði hafa haft áhrif á gengi liðsins í sumar þó einkum meiðsli leikmanna. Staða liðsins er erfið sem stendur enda 5 stigum frá öruggu sæti í 1. deild næsta sumar. Enn eru þó 7 leikir eftir og 21 stig í pottinum