Lengjubikarinn: Fjarðabyggð/Huginn - Völsungur
Fjarðabyggð/Huginn og Völsungur mætast í öðrum leik B deildar Lengjubikars karla í Fjarðabyggðarhöllinni laugardaginn 3. mars kl. 14.00. Frítt er á alla leiki Lengjubikarsins.
Sigur gegn Hetti
Fjarðabyggð/Huginn sigraði Hött 2-0 í kvöld en leikið var í Fjarðabyggðarhöllinni.
Pálmi Þór Jónasson skoraði fyrra markið og Nedo Eres bætti við öðru en bæði mörkin voru skoruð í fyrri hálfleik.
Fjarðabyggð/Huginn fengu fleiri góð tækifæri til að bæta við forystuna en lokatölur urðu 2-0.
Lengjubikarinn að hefjast
Fjarðabyggð/Huginn og Höttur mætast í fyrsta leik B deildar Lengjubikars karla í Fjarðabyggðarhöllinni mánudaginn 26. febrúar kl. 19.00. Frítt er á alla leiki Lengjubikarsins.
Fjarðabyggð/Huginn lék í gær æfingaleik við sameiginlegt 2. flokks lið Austurlands og sigraði 3-0. Mörkin skoruðu Nikola Kristinn Stojanovic tvö og Pálmi Þór Jónasson eitt.
Fjarðabyggð/Huginn vann Hött
Sameiginlegt karlalið Fjarðabyggðar/Hugins vann Hött í æfingaleik sem nýlokið er í Fjarðabyggðarhöllinni.
Lokatölur 2-0 og mörkin skoruðu Kifah Moussa Mourad og Pálmi Þór Jónasson.
Fjarðabyggð og Huginn saman í Lengjubikarnum
Karlalið Fjarðabyggðar og Hugins hafa ákveðið að spila saman í Lengjubikar karla B deild en keppni hefst þann 24. febrúar þegar leikið verður gegn Hetti.
Í mars eru svo leikir gegn Völsungi, Einherja, KF og Leikni F.
Huginn var ekki með skráð lið í Lengjubikarnum en nú gefst leikmönnum þeirra möguleiki á að spila góða keppnisleiki.
Við hlökkum til samstarfsins.
Fjarðabyggð semur við sjúkraþjálfara
Margrét Bjarnadóttir hefur samið við Fjarðabyggð um að sjá um sjúkraþjálfun fyrir félagið.
Á myndinni má sjá Dragan Stojanovic þjálfara og Margréti Bjarnadóttur sjúkraþjálfara við undirritun samningsins.