2. deild karla: Fjarðabyggð 3 - 2 Reynir S.

Fyrri hálfleikur
14' Þorsteinn Þorsteinsson [0 - 1]
43' Viktor Jónsson [0 - 2]
 
Seinni hálfleikur
51' Nik Anthony Chamberlain [1 - 2]
76' Brynjar Jónasson [2 - 2]
89' Tadas Jocys [3 - 2]
 
Fjarðabyggð vann magnaðan sigur á Reyni S. á Eskjuvelli í dag. Gestirnir voru 2-0 yfir í hálfleik eftir að hafa skorað úr víti og aukaspyrnu.
 
Fjarðabyggð gafst þó ekki upp því Nik Anthony Chamberlain skoraði á 51. mínútu og Brynjar Jónasson jafnaði metin á 76. mínútu. Í lok venjulegs leiktíma átti Hákon Þór Sófusson mikinn sprett, lék Reynisvörnina sundur og saman og lagði svo boltann á Tadas Jocys sem skoraði sigurmarkið við mikinn fögnuð áhorfenda.
 
Glæsileg endurkoma hjá Fjarðabyggð sem eru á toppnum með 26 stig eftir 11 umferðir.

Tap gegn Hetti

Fjarðabyggð 0 - 2 Höttur 
0-1 Fanney Þórunn Kristinsdóttir ('66) 
0-2 Jóna Ólafsdóttir ('82)
 
Fjarðabyggð tapaði í kvöld 0-2 gegn Hetti í Austfjarðaslag. Minnstu munaði að Andrea Magnúsdóttir kæmi Fjarðabyggð yfir í leiknum í fyrri hálfleik þegar hún átti gott skot sem markvörður Hattar rétt náði að koma fingurgómunum í boltann og yfir fór hann.
 
Þegar leið á leikinn jókst sóknarþungi Hattar sem skoruðu tvö mörk í seinni hálfleik og lokatölur 0-2. 

2. deild: Öruggur sigur hjá Fjarðabyggð

Sindri 1 - 4 Fjarðabyggð 
0-1 Brynjar Jónasson 
1-1 Rodrigo Gomez Mateo 
1-2 Stefán Þór Eysteinsson 
1-3 Andri Þór Magnússon 
1-4 Andri Þór Magnússon
 
Fjarðabyggð heldur toppsætinu nokkuð örugglega eftir öruggan sigur á Sindra. Andri Þór Magnússon gerði út um leikinn með tveimur góðum mörkum á síðasta hálftímanum.
 
Í fyrri hálfleik skoraði Brynjar Jónasson fyrsta markið eftir góða sendingu frá Hákoni Þór Sófussyni. Sindramenn jöfnuðu en fyrirliðinn Stefán Þór Eysteinsson kom Fjarðabyggð í 1-2 með frábæru skoti utarlega út teignum upp í samskeytin fjær. Eins og áður segir var það svo stormsenterinn Andri Þór Magnússon sem gulltryggði flottan sigur Fjarðabyggðar.